Pas urdhërarrestit ndërkombëtar të lëshuar nga MPB e Maqedonisë, është arrestuar në Turqi, Ljupço Palevski – Pallço, i dyshuar kryesor për kidnapimin dhe vrasjen e 14 vjeçares Vanja Gjorçevska dhe berberit nga Velesi, përcjell KlanM.
Në një dalje të jashtëzakonshme para mediave, ministri i MPB-së, Oliver Spasovski njoftoi se Pallço është arrestuar në Balikesir të Turqisë.
Ai tregoi edhe fotografi të lëshuara nga autoritetet turke gjatë momentit të arrestimit.
Spasovski falënderoi MPB e Turqisë për reagimin e shpejtë dhe bashkëpunimin shumë korrekt./KlanMacedonia
