VLEN nuk ka premtuar mbyllje totale të lojrave të fatit, mirëpo një normalizim të situatës që këto aktivitete të lejohen vetëm në vende të caktuara.
Kështu u shpreh deputeti i VLEN-it, Halil Snopçe.
“Premtimi ynë është që do të lejojmë vetëm në hotele me 5 yje. ne nuk ndalemi me kaq, por normalisht, ky është hapi jonë i parë drejt dhënies së kontributit në normalizimin e kontributit në këtë situatë. Sa për fillim. Mandati ynë është 4-vjeçar, gjithsesi nuk do të ndalemi së angazhuari në atë drejtim. Është e vërtet që premtimi ynë ka qenë në atë drejtim, por jo në mbyllje totale, mbyllje e tanishmëve, lejimi i tyre vetëm në hotele me 5 yje. Njësoj siç është në Shqipëri”, theksoi Snopçe.
Nga VLEN kanë akuzuar qeverinë e kaluar se ka hapur tre kompani të lojëra të fatit në mënyrë elektronike.
“Hapi i parë i këtij plani është që ta largojmë bixhozin nga shtëpitë tona. Falë vendimeve të gabuara, të papërgjegjshme dhe korruptive të Qeverisë së kaluar, duke hapur tre kompani të reja për organizimin e lojërave të fatit në internet, bixhozi përmes celularëve dhe kompjuterëve u bë pjesë e shtëpive tona dhe kështu të rinjtë u bënë synim edhe më i lehtë për t’u arritur. Sot, deputetët e VLEN-it, VMRO-DPMNE-s dhe ZNAM-it, parashtruan Kërkesë për interpretim autentik të nenin 7, paragrafi (3) të Ligjit për lojërat e fatit dhe lojërat zbavitëse, për të marrë interpretim të saktë nëse vendimi i mëparshëm i Qeverisë dhe udhëheqësisë së Llotarisë shtetërore për lojërat e fatit në internet ka bazë ligjore. Ekipi jonë i juristëve është i bindur që vendimi për themelimin e tre kompanive të reja për organizimin e lojërave të fatit në internet është plotësisht pa bazë ligjore. Prandaj presim që Qeveria ta mbështesë këtë siguri ligjore duke dhënë mendim të duhur, nga ku Komisioni juridiko-ligjvënës pranë Kuvendit do ta zbërthej në një interpretim autentik që do të mundësojë mbylljen e lojërave të fatit në internet menjëherë”, deklaruan nga VLEN. /tvklan.mk
