Shqiptarja Irena Steinova, që jeton në Izrael ka rrëfyer për tmerrin që po përjetojnë pas sulmeve të fundit që lanë mbi 1 mijë të vdekur.
Ajo për Euronews Albania, theksoi se Izraeli para 25 vitesh dha urdhër që në çdo ndërtim që bëhet, apartamentet apo shtëpitë të kenë një dhomë të blinduar.
Më tej nënvizoi se ajo nuk ka një dhomë të blinduar, por ama të gjithë shtëpitë që janë ndërtuar 25 vitet e fundit e kanë.
“Gati 25 vite më parë Izraeli dha urdhër që kur të ndërtohen godinat, çdo shtëpi të ketë dhomën e blinduar dhe njerëzit futen në dhoma. Unë nuk kam, por të gjithë shtëpitë që janë ndërtuar 25 vitet e fundit, kanë dhoma të blinduara”-tha ajo
