Shqipëri: Autorët me maska dhe armë, dalin pamjet e grabitjes së bankës në Koplik

Këto janë momentet e terrorit të ushtruara nga grabitësit e bankës në Koplik më 9 Maj të këtij viti. Gazetari Besar Bajraktaraj ka siguruar pamjet nga brenda bankës të autorëve teksa kryejnë grabitjen.

PROGRAM I PAGUAR POLITIKË 300x250

Siç duket në foto njëri prej tyre ka mbajtur në fytyrë një maskë. Me anë të armës kallashnikov personi në fjalë ushtron presion mbi stafin e bankës. Një punonjës, siç duket në foto, është shtrirë në tokë.

PROGRAM I PAGUAR POLITIKË 1180x200

Ndërkohë ditën e sotme, policia njoftoi se arriti të zbardhë këtë ngjarje të rëndë. Në pranga ranë 3 të rinj, Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj të Malësisë së Madhe.

Ata kanë përdorur 2 amë zjarri dhe një makinë “Golf 3” pa targa. Pasi kanë kryer grabitjen, këtë makinë ata e kanë djegur dhe nën kërcënimin e armëve kanë ndaluar në rrugë një makinë dhe kanë marrë me forcë automjetin. Pastaj u larguan në drejtim të fshatit Shegan dhe aty braktisën mjetin. Armët i hodhën në liqenin e Shkodrës, në vendin e quajtur “Syri i Sheganit”.

Policia i gjeti Bekim Gurrajt në shtëpi, dy radio marrëse-dhënëse si të policisë, bluzë dhe kapele si të Policisë dhe disa veshje të përdorura nga ky person disa ditën para ngjarjes, kur ka studiuar ambientin e jashtëm të filialit.

Më 9 maj, këta tre persona hynë në bankën e Koplikut, duke grabitur në orët e mesditës shumat prej 10.000 euro, 1000 dollarë dhe rreth 400.000 lekë të reja./tvklan.al

PROGRAM I PAGUAR POLITIKË 300x250
Lexo gjithashtu
Total
0
Share