Institucionet janë zotuar se që nga sot do të nisin të reagojnë lidhur me cmimet nëpër markete, që sipas Kryeministrit Mickoski, disa produkte janë rritur për 25%.
Nëse tregtarët vazhdojnë me këtë qasje, reagimi do të jetë më I madh në periudhën që vjen – paralajmëroi Mickoski. Ai nuk zbuloi se cfarë masash do të ndërmerren duke siguruar se qytetarët do të jenë dëshmitarë të këtyre veprimeve.
“Kemi biseduar me të gjithë pronarët e supermarketeve të mëdhenj, kanë qenë në një event në Qeveri dhe e kemi lënë në mirëbesim, këtu, që të mos jemi me një qasje që do të nënkuptonte kufizimin e çmimeve, për të cilën ata thanë se ishte e papëlqyeshme dhe ne donim. për t’i dëgjuar, po diskutohet dhe do të miratohet një zgjidhje e përbashkët e cila do të pranohet dhe kjo ndodhi. Fakti që disa prej tyre përdorin marifete është tjetër çështje dhe për këtë do të ketë procedura të duhura” – tha Mickoski.
Besar Durmishi, si Ministër i Ekonomisë, ka thirrur për një kontroll të ngutshëm dhe për mundësinë e ngrirjes së çmimeve, por nuk ka asnjë garantim se kjo do të ndodhë.
“Inspektorati Shtetëror i Tregut është në terren duke kryer një kontroll urgjent dhe nga të dhënat që do të marrim prej tyre do të varet se çfarë vendimi do të merret, nëse tregtarët do të korrigjohen dhe aksioni i Shportës së Vitit të Ri do të mbetet apo ne do të të detyrohet të marrë një vendim për ngrirjen e çmimeve ose në margjina” – tha Durmishi.
Ndërkohë, lideri i LSDM-së, Venko Filipçe, ka kritikuar ashpër politikën e qeverisë.
Filipçe i hodhi fajin kryeministrit Mickoski për rritjen е çmimeve dhe akuzoi qeverinë se po shërben interesave të elitave, duke dëmtuar qytetarët e zakonshëm.
“Politikat ekonomike të Mickoskit janë politika për elitën. 99% e qytetarëve paguajnë për 1% të elitës së Mickoskit. Kjo nënshtrim dhe skllavëri ndaj partnerëve të biznesit dhe tregtarëve është dërrmuese. Mickoski personalisht i lejoi tregtarët të fitojnë nga halli I popullit. Dëgjova të thoshte dje se ishte turp ajo që bënë tregtarët. Ai e rregulloi pikërisht këtë me ta, i lejoi të rrisnin çmimet për javë të tëra dhe heshti ndërsa ne të gjithë dhamë alarmin. Mickoski personalisht tha se me ankesa dhe pa gjoba do t’i bindin tregtarët që ta respektojnë marrëveshjen. Është vonë. Mickoski fajin për këtë debakl dhe grabitje ua hedh tregtarëve dhe luan rolin e një politikani të shqetësuar. Askush nuk e beson më në këtë temë” – tha Filipçe.
Nga 15 dhjetori hynë në fuqi masat nga e ashtuquajtura “Shporta e Vitit të Ri, ku produktet duhet të shiten me cmime më të lira prej së paku 10%. Numri I produkteve të kësaj shporte pritet të mbërrijë deri në 1.000, janë përfshirë rreth 80 kompani, porn ë këtë masë nuk hyjnë vaji, sheqeri, kafeja, për shkak të, sic u tha, të mos dëmtohen kompanitë. /tvklan.mk/
