Media “Al Jazeera” raporton se ka të paktën 14 viktima nga shpërthimi
Një shpërthim jashtë një xhamie në qytetin e Heratit në Afganistanin Perëndimor ka vrarë një klerik të profilit të lartë pro-taleban si dhe civilë.
Shpërthimi tronditi qytetin. Ende nuk dihet numri i sakte i viktimave, por rrjeti mediatik “Al Jazeera”, e cila citon burime të paidentifikuara thotë se janë vrarë mbi 14 persona.
Talebanët shprehen se kanë përmirësuar sigurinë në vend që nga marrja e pushtetit nga qeveria e mëparshme e mbështetur nga perëndimi, por muajt e fundit jane regjistruar disa shpërthime.
Ngjarjet e mëparshme në xhami janë marrë përsipër nga grupi ekstremist Shteti Islamik, i cili ka kryer një sërë sulmesh kundër pakicave fetare dhe etnike, si dhe objektivave talebane.
Klan News
