Një shpërthim ka ndodhur në një terminal të eksportit të gazit pranë qytetit të Shën Petersburg në Rusi, thonë zyrtarët.
Shpërthimi shkaktoi një zjarr të madh, tha agjencia shtetërore e lajmeve RIA Novosti. Agjencia tha se zjarri ishte vënë nën kontroll dhe nuk kishte raportime për të lënduar, transmeton Klankosova.
Shkaku i zjarrit nuk dihet, por mediat lokale kanë raportuar se në zonë janë parë dronë.
Si Rusia ashtu edhe Ukraina kanë përdorur drone në konfliktin aktual. Ukraina zakonisht nuk i pranon sulme të tilla.
