Shkupjani 22 vjeçar Besir Iseni nga rradhët e Struga Trim Lum do të transferohet te kampionët e Shqipërisë “bardheblutë”, thonë burime të “infOSport.mk”
Iseni me skuadërën Struga Trim Lum edicionin e kaluar luajti edhe në garat e Ligës së Konferencës, duke shënuar madje që në ndeshjen debutuese ndaj FK Liepaja.
Për shërbimet e mbrojtësit nga Shkupi, interes nga Superliga shqiptare kishte shfaqur edhe Laçi, Gjilani nga Superliga e Kosovës ndërsa i jejti ishte kontaktuar gjithashtu edhe nga drejtori sportiv i FC Shkupit.
Për 22-vjeçarin Iseni, Tirana do të jetë aventura e tij e parë jashtë vendlindjes, pasi i njëjti si profesionist kishte veshur edhe fanellën e Vëllazërimit të Kërçovës, nga e cila skuadër shkurtin e vitit 2021 ishte transferuar te Struga Trim Lum, për të cilën skuadër në total ka regjistruar 18 ndeshje dhe 1 gol.
