Nga më shumë se 250 inspektime, Inspektorati Shtetëror i Tregut ka konstatuar se katër subjekte nuk respektuan vendimet e fundit të Qeverisë për ngrirjen e çmimeve të disa produkteve ushqimore.
Siç informoi sot drejtori i Inspektoratit Shtetëror të Tregut, Goran Trajkovski, bëhet fjalë për një subjekt ekonomik në Ohër, i cili e shiste bukën me çmim më të lartë se ai i përcaktuar në vendimin për përshpejtimin e çmimit të bukës për 33 denarë si dhe tre subjekte ekonomike nga Ohri, Manastiri dhe Kërçova, të cilat nuk e respektuan vendimin për uljen e çmimeve të makaronave dhe produkteve të qumështit, përcjell KlanM.
“Pas hyrjes në fuqi të vendimit të fundit, pra në dy ditët e fundit, janë kryer mbi 250 kontrolle në të gjithë territorin. Nga kontrollet është konstatuar se janë respektuar vendimet, përveç katër subjekteve ekonomike, për të cilët janë lëshuar urdhërpagesa në vlerë prej mbi 1.120.000 denarë” tha drejtori Trajkovski.
