Të mërkurën presidenti serb Aleksandar Vuçiq është takuar me sekretarin gjeneral të NATO-s, Jens Stoltenberg, në selinë e NATO-s në Bruksel.
Pas takimit, në një konferencë të përbashkët, Stoltenberg ia bëri me dije Vuçiqit se NATO është e gatshme të ndërmarrë çdo masë të nevojshme për ta siguruar paqen, stabilitetin dhe lëvizjen e lirë të të gjithë qytetarëve të Kosovës, njofton Klan Kosova.
Si kundërpërgjigje, në veri të Mitrovicës janë shfaqur grafite në gjuhën serbe, ku shkruan “Mos u shqetësoni, ne jemi këtu, po presim”.
Grafite të ngjashme ishin shkruar edhe më herët në rrugët e Mitrovicës së Veriut, por edhe në komunat tjera në veri të Kosovës, por tani për herë të parë u shfaq nënshkrimi “Brigada e Veriut”.
