Një grua në Texas të SHBA thotë se është me fat që është gjallë pasi u sulmua në të njëjtën kohë nga një gjarpër dhe një skifter.
“Nuk mund të them se e njoh ndjesinë e vdekjes sepse jam ende gjallë, por besoj se i shkova afër”, shprehet Peggy Jones, 64-vjeçe.
Gjithçka ndodhi kur Peggy dhe bashkëshorti i saj Wendell po punonin në bahçen e shtëpisë së tyre në veri të Silsbee, 2 javë më parë. Teksa po prisnin barin, Peggy thotë se ndjeu dhe pa një gjarpër që ra nga qielli dhe iu mbështoll rreth krahut.
“Instinkti i parë është që ta heqësh duke shkundur krahun. Por në vend që të ikte, ai u mbështoll rreth krahut. E ndërkohë që përpiqesha që ta hiqja, nisi të më sulmonte tek syzet. E vetmja gjë që mund të shihja ishte një gojë e madhe e bardhë që të vinte drejt fytyrës”, tregoi 64-vjeçarja.
Jones nuk është e sigurt çfarë lloj gjarpri ra mbi të, por thotë se ishte ngjyrë e kaf i errët. Zvarraniku nuk e pickoi asnjëherë, megjithatë e sulmoi disa herë tek syzet, me aq forcë sa ia krisi.
Texas woman survives attacks from snake, hawk after snake 'fell from the sky' https://t.co/3fP2hwy1PV pic.twitter.com/7xeY6eguBm
— FOX26Houston (@FOX26Houston) August 9, 2023
“E vetmja gjë që mbaj mend është që mendoja, nuk dua të vdes këtu, nuk po e heq dot gjarprin, Jezus më ndihmo”, tha Jones. “Ishte e tmerrshme. Dukej si ëndërr, por në fakt po ndodhte vërtetë”.
E teksa gjarpri po e sulmonte, një skifter tentoi ta kapte zvarranikun nga krahu i saj. Pas 4 tentativave, 64-vjeçarja thotë se ai arriti ta kapte dhe fluturoi bashkë me të.
“Skifteri… flatra e tij po lëviznin, mund t’i ndjeja në trup ashtu sikurse ndjeja dhe gjarprin. Pashë krahun tim, ishte mbuluar nga gjaku, rrobat i kisha plot gjak”.
Bashkëshorti i saj vrapoi ta ndihmonte.
“Nuk po fliste anglisht. Po ulërinte dhe po qante, në përpjekje për të folur, por nuk arrija të kuptoja asgjë. E vetmja gjë që arrita të kuptoj ishte një gjarpër ra nga qielli…”
Wendell e dërgoi bashkëshorten me urgjencë në spital, ku mori ndihmë mjekësore për plagët që i kishte shkaktuar skifteri./tvklan.al
Texas woman survives attacks from snake, hawk after snake 'fell from the sky' https://t.co/3fP2hwy1PV pic.twitter.com/7xeY6eguBm
— FOX26Houston (@FOX26Houston) August 9, 2023
