Zyra për Kontroll të Aseteve të Huaja (OFAC) e Departamentit të Thesarit në ShBA ka ndërmarrë veprime për të zbatuar më tutje përkushtimet e bëra nga G7 më 24 shkurt 2023 dhe më 19 maj, 2023.
Përcaktimet e publikuara sot nga OFAC dhe nga Departamenti i Shtetit marrin masa për të penguar aksesin e Rusisë në produkte që mbështesin përpjekjet e saj ushtarake dhe luftarake; të zvogëlojë të ardhurat e Rusisë nga sektori i metaleve dhe minierave; minojnë aftësitë e saj energjetike në të ardhmen; degradojnë aksesin e Rusisë në sistemin financiar ndërkombëtar; dhe për ta lënë Rusinë të uritur nga teknologjia e prodhuar nga G7, teknologji kjo e nevojshme për sektorët e saj të teknologjisë, hapësirës ajrore dhe mbrojtjes, raporton Klankosova.tv.
“Veprimet e sotme përfaqësojnë një hap tjetër në përpjekjet tona për të kufizuar aftësitë ushtarake të Rusisë, aksesin e saj në furnizimet e fushëbetejës dhe pikën e saj të fundit ekonomik”, tha Zëvendës Sekretari i Thesarit, Wally Adeyemo. “Për sa kohë që Rusia vazhdon të zhvillojë luftën e saj të paprovokuar dhe brutale kundër Ukrainës, ne do të vendosim sanksione për të privuar Rusinë nga teknologjia që i nevojitet dhe për të prishur aftësinë e industrisë ruse të armëve për rifurnizim”.
Në mesin e kompanive që janë sanksionuar, është edhe një serbe.
Ivan Cvetiq dhe kompania e tij MCI TRADING DOO BEOGRAD PALILULA (e njohur edhe si MCI DOO BEOGRAD), janë në mesin e të sanksionuarve të rinj nga ShBA-ja. Kjo pasi kompania në fjalë ka ndihmuar një kompani ruse e cila ndihmon industrinë ruse të mbrojtjes.
“Kompania me Përgjegjësi të Kufizuar AK Microtech (AKM) është një firmë me bazë në Rusi që është e specializuar në transferimin e teknologjisë së huaj gjysmëpërçuese në kompanitë ruse të prodhimit të mikroelektronikës, duke përfshirë subjektet që ofrojnë mikroelektronikë për industrinë ruse të mbrojtjes. Një numër i këtyre përdoruesve fundorë janë në listën e shtetasve të përcaktuar posaçërisht dhe të personave të bllokuar të Thesarit, si dhe në listën e subjekteve të Departamentit të Tregtisë”.
“AKM-ja përdor ndërmjetës jo-rusë për të turbulluar marrësit rusë. Një ndërmjetës i tillë është firma me bazë në Serbi MCI Trading DOO Beograd Palilula (MCI), e cila ka ndihmuar AKM-në të blejë artikuj të teknologjisë së lartë nga prodhuesit në Azi, Evropë dhe Lindjen e Mesme. MCI gjithashtu ka bërë dhjetëra dërgesa në AKM që nga fillimi i pushtimit rus të Ukrainës në shkurt 2022. Shtetasi serb Ivan Cvetiq është drejtor i MCI”.
“AKM-ja është përcaktuar në bazë të E.O. 14024 se operon ose ka operuar në sektorin elektronik të ekonomisë së Federatës Ruse. MCI dhe Cvetiq janë përcaktuar në bazë të E.O. 14024 për shkak se kanë ndihmuar materialisht, kanë sponsorizuar ose ofruar mbështetje financiare, materiale ose teknologjike për AKM-në, ose mallra ose shërbime për AKM-në ose kanë mbështetur AKM-së”, thotë Departamenti Amerikan i Thesarit.
Ditë më parë, ShBA-ja sanksionoi edhe shefin e inteligjencës serbe, Aleksandar Vulin. /Klankosova.tv
