Dy liderët takim të gjatë pune në Potsdam
Franca dhe Gjermania përmiresojnë marrëdhëniet. Kancelari Olaf Scholz priti presidentin Emmanuel Macron në një darkë të gjatë pune në qytetin ku ai banon.
Presidenti Emmanuel Macron është mirëpritur nga kancelari Olaf Scholz në qendër të Potsdamit ku dyshja kanë patur edhe një darkë pune.
Sipas mediave gjermane darka ka zgjatur më shumë nga se sa ishte planifikuar, pothuajse tre orë.
Të pranishëm në këtë darkë kanë qënë edhe delegacionet e të dy vendeve, por Scholz dhe Macron janë ulur në një tryezë të veçantë.
Mësohet se shefi i Elizesë dhe Scholz kanë folur për luftën në Ukrainë, por edhe për çështje si propozimet e Komisionit Evropian për një reformë të rregullave të borxhit, e cila është një temë veçanërisht e rëndësishme midis Beërlinit dhe Parisit.
Mediat gjermane shkruajnë se takimi është mjaft domethënës dhe fakti se Scholz e priti Macron në qytetin ku ai jeton tregon se marrëdhëniet ende të tensionuara mes dy vendeve po zbuten .
Vitin e kaluar, ka patur mosmarrveshje në marrëdhëniet franko-gjermane vecarësisht në kohën kur Scholz mori detyrën në dhjetor 2021.
Përgatiti: Xhuana Lika
