Nga rajoni ynë Vjosa Osmani dhe Dritan Abazoviç
Në Samitin e dytë për Demokraci presidenti Biden shpalli dhënien nga administrata e tij të një shume prej 690 milionë dollarësh financim ky përmes programeve të USAID-it dhe Departamentit të Shtetit.
Këto para do të përdoren në përpjekjet për të mbrojtur mediat e lira dhe të pavarura, luftimin e korrupsionit, forcimin e reformave demokratike, mbështetjen e të drejtave të njeriut, të zgjedhjeve të lira dhe të drejta.
Gjatë samitit, administrata Biden shpalli hapa të rinj konkrete për të kundërshtuar abuzimin dhe keqpërdorimin e teknologjisë.
Presidenti lëshoi një urdhër ekzekutiv që ndalon agjencitë qeveritare amerikane të përdorin spyware që konsiderohen një kërcënim për sigurinë kombëtare të SHBA ose janë të implikuar në abuzimet e të drejtave të njeriut. Të paktën, 50 zyrtarë të qeverisë amerikane kanë qenë në shënjestër të spyware-it invaziv komercial të krijuar për të hakeruar telefonat celularë.
Administrata e Biden dhe partnerët e saj do të nxjerrin një sërë “parimesh udhëzuese” se si qeveritë që respektojnë të drejtat e njeriut duke përdorur më gjerësisht teknologjinë e mbikëqyrjes sepse është konstatuar se ato janë keqpërdorur shumë nga shtetet autoritare.
Organizimi i këtij samiti, nga presidenti Biden, shihet si një shfaqje force në kundërshtim me autokracitë që sundojnë në disa shtete të botës.
Klan News
