Le Van Manh u dënua me vdekje për vjedhjen, përdhunimin dhe vrasjen e një vajze 13-vjeçareje – por ai kishte thënë se rrëfimi i tij ishte detyruar përmes torturave nga policia.
Vietnami ka ekzekutuar Le Van Manh, pavarësisht apeleve të shumta ndërkombëtare për ta kursyer atë, tha një avokat i familjes të shtunën, shkruan Euronews, transmeton Klan Kosova.
Në vitin 2005, Le Van Manh u akuzua për vjedhjen së bashku me përdhunimin dhe vrasjen e një vajze 13-vjeçare në provincën veriore të Thanh Hoa.
Sipas Komisionit Ndërkombëtar të Juristëve (ICJ), një organizatë joqeveritare), policia mori një rrëfim nga Le Van Manh nën torturë, e cila u përdor më pas për ta dënuar atë.
Më vonë ai hoqi dorë, duke deklaruar se u detyrua të rrëfehej pasi policia e kishte rrahur rëndë.
Gjykata e Lartë e Hanoi i dha dënimin me vdekje gjatë një gjyqi apeli në vitin 2008.
