Rriten rastet me COVID-19 në Kosovë

Kosova ka regjistruar 341 raste të reja me koronavirus më 6 korrik, që paraqet rritje të rasteve krahasuar me një ditë më parë, kur autoritetet shëndetësore raportuar për 213 infektime të reja.

PROGRAM I PAGUAR POLITIKË 300x250

Rastet e reja dalin pas testimit të 1,165 mostrave, që i bie se 29.27 për qind të personave kanë dalë pozitiv.

PROGRAM I PAGUAR POLITIKË 1180x200

Në 24 orët paraprake, sipas Ministrisë së Shëndetësisë, janë shëruar edhe 64 persona, ndërkaq raste të vdekjeve nuk ka pasur.

Kosova së fundmi po përballet me rritje të raste me sëmundjen COVID-19, që ka shtyrë autoritetet të bëjnë thirrje për kujdes.

Instituti Kombëtar i Shëndetësisë Publike më 6 korrik sërish u bëri thirrje qytetarëve që të bartin maska në ambiente të mbyllura dhe të vaksinohen.

Në Kosovë deri më tani janë administruar mbi 1.8 milion doza të vaksinës. Prej kësaj shifre, 103,344 persona kanë marrë tri doza, 823,818 janë imunizuar me dy doza, ndërkaq me një dozë janë imunizuar 903,523 persona.

PROGRAM I PAGUAR POLITIKË 300x250
Lexo gjithashtu
Total
0
Share