INVESTITORËT: PAK MUNDËSI PËR TË RREGULLUAR FINANCAT KU MILIONA NJERËZ JANË NË KRIZË
Kryeministri britanik Rishi Sunak emëroi ministrat kryesorë të qeverisë së tij pasi zëvendësoi Liz Truss. Ai mbajti disa prej ministrave që ishin edhe nën qeverisjen e Truss por bëri edhe disa emërime të reja në kabinet. Ekonomistët paralajmërojnë se ai ka pak mundësi për të rregulluar financat e vendit kur miliona njerëz po luftojnë me një krizë të kostos së jetesës.
Në ditën e tij të parë si kryeministër, Rishi Sunak nuk vonoi që të emëronte kabinetin e tij. Jeremy Hunt mbetet si kancelar i Financave, post të cilin e mori pas mini-buxhetit katastrofik të Këasi Këarteng, duke anuluar pjesën më të madhe të tij.
Suella Braverman riemërohet si sekretare e Brendshme, një javë pasi dha dorëheqjen nga i njëjti post dhe Grant Shapps zëvendëson Jacob Rees-Mogg si sekretar biznesi. Michael Gove u emërua si ministër i nivelit të lartë i vendit, një rol që ai e kishte shërbyer më parë midis shtatorit 2021 dhe korrikut 2022.
Therese Coffey, zëvendëskryeministrja në largim, u bë ministre e mjedisit pasi Steve Barclay mori postin e saj si ministër i shëndetësisë. Nadhim Zahaëi u emërua kryetari i ri i Partisë Konservatore. Zahaëi ishte ministër i financave për një periudhë të shkurtër nga korriku deri në shtator nën Boris Johnson pasi Sunak dha dorëheqjen nga ai rol. Gillian Keegan zëvendësoi Kit Malthouse si sekretare arsimi dhe Mark Harper mori postin nga Anne-Marie Trevelyan si Ministre e Transportit.
Ardhja në pushtet e një kryeministri të ri ka mbushur gjithashtu edhe faqet e para të gazetave britanike. Daily Mail e paraqet zotimin e Sunak për të “rregulluar gabimet” e Liz Truss si vendime mjaft të vështira. Gazeta Financial Times gjithashtu shikon se çfarë vendimesh mund të marrë Sunak si kryeministër ndërsa përgatitet të përballet me krizën e kostos së jetesës.
Sunak , një nga njerëzit më të pasur në parlament, pritet të ulë shpenzimet ndërsa në ditët në vazhdim do të miratojë një skemë të re për të ndihmuar familjet të përballojnë krizën energjitike. Ai tani do të duhet të rishikojë të gjitha shpenzimet, në disa fusha si shëndetësia, arsimi, mbrojtja, mirëqenia dhe pensionet. Ekonomistët dhe investitorët e kanë mirëpritur emërimin e Sunak por ata paralajmërojnë se ai ka pak mundësi për të rregulluar financat e vendit kur miliona njerëz po luftojnë me një krizë të kostos së jetesës.
Gazetare: Livia Kallfa
