Protestuesit e shohin reformën një sulm ndaj demokracisë
Dhjetëra mijëra njerëz dolën edhe njëherë tjetër në rrugët e Tel Avivit mbrëmjen e së shtunës për të kundërshtuar reformën në drejtësi të propozuar nga qeveria.
Protestuesit bllokuan sheshet dhe rrugët kryesore në kryeqytet.
“Me reformën në drejtësi, qeveria po shkakton një përçarje të thellë në shoqëri, duke dëmtuar ekonominë dhe sigurinë e Izraelit ”, thuhet në një deklaratë të lëshuar nga organizatorët e protestës.
Protestuesit thonë se me këtë reformë rrezikohet parimi i kontrollit e balancës mes pushteteve. Por qeveria e kryeministrit Benjamin Netanjahu, pretendon se ndryshimet janë në të mirë të qytetarëve.
Për opozitën, kjo është kriza më e madhe në historinë e Izraelit.
Përveç kërcënimit të pavarësisë së gjyqtarëve dhe dobësimit të mbikëqyrjes së qeverisë dhe parlamentit, kritikët thonë se reforma do të minojë të drejtat e pakicave dhe do të ketë më shumë korrupsion.
Klan News
