Me rastin e 7 Marsit, në Tiranë u zhvillua një ceremoni vlerësimi për mësuesit që kanë dhënë kontribut të vyer në arsimin shqiptar.
Nga kjo ceremoni Kryeministri Edi Rama se falë reformave dhe ndryshimeve të bëra në sistemin arsimor, mësuesit janë më të pavarur nga influencat e mundshme politike.
“Më vjen mirë që më jepet mundësia të adresoj këtë audiencë me një përfaqësi të atyre grave e burrave që kujdesen për fëmijët e Shqipërisë në të gjithë territorin dhe besoj se e di shumë mirë se sa e vështirë duhet të jetë puna juaj në kushtet kur shumë çka ka ndryshuar për mirë.
arritur tre gjëra shumë të rëndësishme, të cilat duken si tre gjera që as nuk duhet të diskutoheshin ndonjëherë, por ja që jo vetëm u vunë në diskutim, por ja që u kthyen në problem për të gjithë komunitetin e mësuesve. Autoriteti i mësuesve ishte një autoritet i nëpërkëmbur për shkak të pasigurisë së vendit të punës dhe patjetër vjen e dyta meritokracia në përzgjedhjen e mësuesve dhe promovimi në arritje ishte i nëpërkëmbur sa s’ka më keq dhe e treta shpërblimi i mësuesve , që ishte i pamjaftueshëm. Në kushtet kur sfida e të qenit mësues bëhet gjithmonë e më vështirë, sot kemi në të tri drejtimet një situatë të përmbysur tërësisht. Të gjithë mësuesit dhe mësueset janë të lirë, të kenë çfarëdo lloj opinionin politik të duan, janë të sigurt në vendin e tyre të punës dhe patjetër që janë të respektuar për kontributin që japin”, tha Rama.
Ai shpalosi premtimin e qeverisë për ti çuar pagat në 1 mijë euro.
“Paga mesatare 950 euro është fakt domethënës i fuqizimit ekonomik të vendit, por edhe për të fuqizuar mësuesit dhe buxhete e tyre familjare. Është pagë dinjtoze, por nuk është absolutisht fundi, por është një stacion i një rrugë, që ne përsëri do të rikthehemi tek paga e mësuesve, mjekëve dhe infermierëve dhe të gjithë atyre që i shërbejnë njerëzve. Do të rikthehemi te pagat e mësuesve, mjekëve, infermierëve, të gjithë atyre që u shërbejnë këtij vendi. Ambicia jonë është për ta çuar paga në mesatare të mësuesve përtej 1000 eurove”, tha Rama.
