Qeveria ka shqyrtuar dhe miratuar Informacionin për pagesën e pensioneve për muajin qershor 2023, me të cilin Fondi i sigurimeve pensionale dhe invalidore të Maqedonisë së Veriut është i obliguar që të dhënat për pensionet t’ua dorëzojë bankave komerciale, jo më vonë se 26 prill 2023, përcjell KlanM.
“Rekomandohet që bankat komerciale të sigurojnë që pensionistët të mund të disponojnë pensionet e qershorit përmes rrjetit të ATM-ve dhe në rrjetin komercial nga data 27.06.2023. Rekomandohet që bankat e nivelit të dytë, përmes degëve dhe degëve të bankave, të sigurojnë pagesën me para të gatshme të pensioneve për klientët që nuk përdorin karta, në katër grupe, sipas masës së pensionit”, thonë nga qeveria.
Grupet sipas masës së pensioni:
- për pensione deri në 11.000 denarë, pagesa duhet të bëhet më 27.06.2023 (e martë);
- për pensionet në shumë prej 11.001 – 14.000 denarë, pagesa duhet të bëhet më 28.06.2023 (e mërkurë);
- për pensione në shumë prej 14.001 – 18.000 denarë, pagesa duhet të bëhet më 29.06.2023 (e enjte) dhe
- për pensionet me shumë mbi 18.001 denarë, pagesa duhet të bëhet më 30 qershor 2023 (e premte).
