Vladimir Putin ka mbajtur një takim pune të papritur me ministrin e Mbrojtjes të Kinës, Li Shangfu, në Moskë, raportojnë mediat shtetërore ruse.
Vizita e Shangfu u njoftua javën e kaluar, por Pekini tha se ai po takohej me zyrtarët e mbrojtjes dhe nuk përmendi presidentin rus.
“Ne po punojmë në mënyrë aktive përmes departamenteve tona ushtarake, shkëmbejmë rregullisht informacione të dobishme, punojmë së bashku në fushën e bashkëpunimit ushtarak dhe mbajmë stërvitje të përbashkëta”, tha Putini.
Stërvitjet, shtoi ai, ishin mbajtur në Lindjen e Largët si dhe në Evropë dhe përfshinin forcat tokësore, detare dhe ajrore.
Takimi vjen pasi presidenti i Kinës Xi Jinping u takua me Putinin në Moskë muajin e kaluar.
Rusia dhe Kina kanë deklaruar një partneritet “pa kufij” dhe kanë lëvizur për të forcuar më tej lidhjet e tyre ekonomike, politike dhe ushtarake që nga fillimi i luftës në Ukrainë.
Forcat ukrainase kanë gjetur një numër në rritje të komponentëve nga Kina në armët ruse, tha të premten një zyrtar i lartë në Kiev, por Pekini ka mohuar dërgimin e ndonjë pajisjeje ushtarake në Moskë.
