Prokurori publik nga Prokuroria Themelore Publike Shkup njofton; se ka dorëzuar kërkesë tek gjyqtari për fëmijë në kuadër të Gjykatës Themelore Penale Shkup për inicimin e procedurës përgatitore kundër fëmijës 16-vjeçar për të cilën ekziston dyshimi se ka kryer veprën e përcaktuar me ligj si vepër penale – Veprat e rënda kundër sigurisë së njerëzve dhe pasurisë në komunikacion nga neni 300 paragrafi 4 lidhur me nenin 297 paragrafi 3 lidhur me paragrafin 1 të Kodit Penal.
“Më 4 qershor, në bulevardin “Nikola Karev” në Shkup, fëmija në kundërshtim me ligjin drejtonte automjetin “Seat Leon” me targa të Shkupit, në pronësi të babait të tij. Automjetin e ka drejtuar pa patentë shoferi të vlefshëm dhe me shpejtësi të pa përshtatur me kushtet dhe kushtet e rrugës dhe me dendësinë e qarkullimit.
Prandaj, kur ka arritur në kryqëzimin e “Bit Pazarit”, nuk ka mundur ta ndalojë veturën në kohë dhe me anën e përparme të djathtë të mjetit ka goditur trupin e një gruaje, e cila po kalonte rrugën si këmbësore jashtë vendkalimit të shënuar për këmbësorë. Viktima nga goditja ka pësuar lëndime të rënda trupore dhe ka ndërruar jetë në vend ngjarje.
