Udhëheqësja franceze e ekstremit të djathtë Marine Le Pen do të mësojë të hënën fatin e saj në një gjyq për përvetësim e fondeve, ndërsa prokurorët kërkojnë që ajo të përballet me një ndalim të menjëhershëm pesë-vjeçar në postin publik.
Ligjvënësja 56-vjeçare e ekstremit të djathtë, e cila kryesoi sondazhet për zgjedhjet presidenciale të vitit 2027, akuzon prokurorët se kërkojnë po kërkojnë ta largojnë atë nga politika.
JEAN-YVES CAMUS ANALIST POLITIK: Është diçka shumë serioze t’i thuash dikujt që fitoi 40 për qind të votave në raundin e dytë të zgjedhjeve presidenciale, që nuk mund të kandidosh herën tjetër”. Kjo nuk do të jetë vdekja e partisë, sepse ata mund të kenë një tjetër kandidat, por është një dënim shumë i rëndë, i cili rrezikon të ngjallë tek mbështetësit e Tubimit Kombëtar një perceptim të një verdikti shumë politik.
Le Pen, vetë partia e Tubimi Kombëtar si dhe 24 të tjerë zyrtarë punonjës, ish-deputetë dhe asistentë parlamentar akuzohen për përdorimin e parave të Parlamentit Evropian për të paguar stafin në Francë që punonte për partinë e tyre. Ata kanë mohuar akuzat, duke thënë se paratë janë përdorur në mënyrë legjitime. Parlamenti Evropian e ka vlerësuar dëmin nga ky përvetësim deri në 3.5 milionë euro .
Kërkesa e prokurorëve Louise Neyton dhe Nicolas Barret për një ndalim të menjëhershëm pesë-vjeçar për Le Pen nga postet publike elektrizoi politikën franceze. Në mënyrë tipike në Francë, dënimet për krime jo të rënda, ose ato të kryera nga shkelësit për herë të parë, nuk zbatohen derisa procesi i apelimit të ketë përfunduar. Megjithatë, nëse gjyqtarët aplikojnë një “ekzekutim të përkohshëm”, dënimi fillon menjëherë. Gjyqtarët mund të miratojnë, modifikojnë ose refuzojnë kërkesën e prokurorëve.
Bareges, një ish-kryetare bashkie i krahut të djathtë të qytetit jugor të Montauban, u dënua për përvetësim fondesh në vitin 2021 dhe me një gjobë dhe ndalim politik pesë-vjeçar me “ekzekutim të përkohshëm”.
BRIGITTE BAREGES ANËTARE E ASAMBLESË KOMBËTARE TË FRANCËS:
Do të jetë jashtëzakonisht interesante për gjyqtarët që ta pengojnë Le Pen të kandidojë nëse vendosin për këtë dënim të papërshtatshmërisë, i cili zgjat pesë vjet. Kështu që kjo do të jetë thellësisht tronditëse për demokracinë tonë që të parandalojë një politikane të kandidojë për zgjedhje. Nuk kam ndonjë mendim të veçantë për përmbajtjen e çështjes, por dënimi nuk është vërtet i përshtatshëm.
Bareges, e cila u shpall i pafajshëm në apel, e përshkroi dënimin e saj “ekzekutim të përkohshëm” si një goditje nga një gjyqësor i politizuar. Në rast se Le Pen merr ndalimin politik pesë vjeçar, Jordan Bardella, është përgatitur për mundësinë e një fushate presidenciale të vitit 2027.
Për analistët ndalimi pesëvjecar nga funksionet publike mund të forcojë bazën elektorale të Le Pen, e cila përbëhet nga votues që janë “të prirur të mendojnë se janë viktima të ‘elitës’.
Ndaj Le Pen është kërkuar gjithashtu edhe një gjobë prej 300,000 €. Nëse jepet dënimi, kjo do të përjashtonte Le Pen nga kandidimi në zgjedhjet presidenciale të Francës në vitin 2027 edhe nëse ajo apelon kundër vendimit.
