Moti i keq që përfshiu Marchen në provincën e Ankonës në Itali ka sjellë përmbytje. Si pasojë e përmbytjeve, janë shënuar 10 viktima, ndërkohë që 4 persona rezultojnë të zhdukur. Ndërkohë, janë rreth 50 të plagosur të cilët po marrin kujdes mjekësor në spital. Lajmin e ka konfirmuar prefektura e Ankonës.
Të gjithë jetonin në territoret që përshkonte lumi Misa, i cili është i përmbytur në disa pika, përfshirë qendrën e Senigallisë. Këshilltari rajonal për mbrojtjen civile Stefano Aguzzi, shprehet se nuk pritej në këto nivele alarmi vala e motit të keq që përfshiu Marchen.
“Vala e motit të keq që goditi Marchen nuk pritej në këto nivele, nuk patëm nivele alarmi. Dhe përmbytja e Misa-s, veçanërisht, ishte e papritur dhe e papritur. Në disa vende nuk kishte kohë për të ndërhyrë, ka njerëz që mund të kenë qenë në rrugë ose kanë dalë pa e kuptuar rrezikun”, tha Aguzzi.
Për momentin ka pushuar shiu në zonën e Senigallis, ndërsa operacionet për të ndihmuar njerëzit në vështirësi pas përmbytjeve vazhdojnë. /tvklan.al
