Kërkesa e Sofjes që të kyçet në procesin e ndryshimeve kushtetuese në Maqedoninë e Veriut është skandaloze – ka vlerësuar Presidenti Stevo Pendarovski. Sipas tij, kërkesa të këtilla nuk dërgojnë as edhe okupatorët, njofton KlanM.
“Në shekullin 21 është absolutisht joshembullore të kërkoni të përziheni në politikën e brendshme dhe në procest e brendshme politike dhe kushtetuese-juridike të çdo vendi. Në këtë drejtim mendoj se përgjigja jonë përmes MPJ-së, ishte e duhur” – tha Presidenti Pendarovski.
Lidhur me kushtëzimin e VMRO-DPMNE-së se do të merr pjesë në procesin e ndryshimeve kushtetuese nëse pranohet modeli kroat, Presidenti Pendarovski, sic percjell KlanM, tha se debati për konceptin rreth shumicës dhe pakicave në RMV është tejkaluar dhe ka përfunduar me Marrëveshjen e Ohrit në vitin 2001.
Presidenti ka konfirmuar se në kabinetin e tij ka mbërritur kërkesa e Ministrisë së Drejtësisë që të delegojnë ekspertin që do të merr pjesë në grupin e punës. Paralajmëroi se këtyre ditëve do të dërgojnë përgjigjen formale, me të cilën profesori universitar, Aleksandar Spasov – këshilltari juridik I Presidentit, do të propozohet si anëtar i grupit të ekspertëve për ndryshimet kushtetuese. /KlanMacedonia/
Përgatiti: Teuta Buçi
