Pas spekulimeve të gjata për një transferim të mundshëm te Atletico Madrid ose Barcelona, Paulo Dybala ka vendosur të rinovojë kontratën me Romën. Fantazisti argjentinas, i cili ka shkëlqyer këtë sezon, do të qëndrojë me “Verdhekuqtë” e kryeqytetit, pasi asnjë nga klubet spanjolle nuk e ka bindur me projektet e tyre.
Sipas mediave italiane, Dybala do të kthehet në “La Trigoria” të dielën, pas pushimeve, për të konfirmuar qëndrimin e tij dhe për të hequr klauzolat në kontratën e tij. Ndërkohë, Roma po përpiqet të transferojë edhe ish-shokun e tij të skuadrës te Juventus, Federico Chiesa.
Chiesa, i cili nuk shihet si lojtar thelbësor në projektin e teknikut Thiago Motta, mund të largohet nga “Bardhezinjtë” këtë verë.
Dybala dhe Chiesa kanë luajtur së bashku te Juventus në periudhën 2020-2022, duke shënuar 38 gola së bashku. Tani, ata mund të vazhdojnë bashkëpunimin e tyre në “Stadio Olimpico” të Romës, duke sjellë shpresë dhe entuziazëm për tifozët e klubit.
