Ati i shenjtë anuloi fjalimin e pergatitur në sallën e Vatikanit
Papa Françesku po kalon një situatë jo të mirë shëndetësore. Gjatë një takimi me një delegacion të rabinëve europianë, ai nuk e lexoi fjalimin që kishte përgatitur.
Papa Francesku ka shfaqur sërish probleme shëndetësore. Ati i Shenjtë kishte planifikuar të mbante një fjalim në sallën e Vatikanit gjatë takimit të tij me rabinët evropianë.
“Faleminderit për këtë vizitë që e vlerësoj shumë por nuk jam mirë me shëndet dhe për këtë arsye preferoj të mos e lexoj fjalimin.”-mësohet të ketë thënë Ati I Shenjtë.
Mediat e huaja shkruajnë se 89-vjecari ka shqiptuar këto fjali me një zë të lodhur ndërsa frymëmarrja i ishte vështirësuar.
Ati i shenjtë i është nënshtruar një ndërhyrje kirurgjikale në mushkri gjatë rinisë së tij,kur ishte meshtar në Argjentinë.
Ndërhyrja e fundit kirurgjikale e Atit të Shenjtë ishte më 7 qershor të këtij viti . Ai kaloi nëntë ditë në spital dhe pas tejkalimit të këtyre sfidave shëndetësore iu rikthye detyrave.
Që nga operacioni i qershorit ai ka bërë tre udhëtime jashtë vendit dhe gjatë muajit të ardhshëm pritet të vizitojë Dubain për samitin e klimës të Organizatës së Kombeve të Bashkuara.
