Ministri i Punëve të Jashtme, Bujar Osmani, beson se mund të arrihet një zgjidhje “vin-vin” për amendamentet kushtetuese me opozitën, pa futur në ekuacion interesat partiake dhe çështjet zgjedhore.
“Ka mënyra për t’u kujdesur për shqetësimet e opozitës nëse mendojnë se procesi kërcënon shtetin apo qytetarët. Ka një mënyrë për t’u kujdesur për ato gjëra pa llogaritur interesat partiake.
Do ta kisha të vështirë të isha pjesë e opozitës dhe për këto çështje të bëja llogari me karrierën time, pozicionin e partisë sime dhe zgjedhjet nëse do të isha kryetar. Këto janë çështje të rëndësishme”, theksoi Osmani në “Top Tema”.
