Sekretari i Përgjithshëm i ASH-së, Krenar Lloga i ka bërë thirrje nga studio e Klan Debat, kreut të ASH-së, Arben Taravari që të dorëzojë vulat e partisë, pasi për ta janë shumë të rëndësishme. SIpas Llogës, Taravari e ka pranuar se për të partinë nuk e bëjnë vulat.
“Në deklaratën e tij, ai thotë se nuk kanë rëndësi vulat dhe logot. Kështu që unë i bëj një thirrje nga kjo studio televizive se nuk ka nevojë të shkojmë në gjykatë, pasi nuk qenkan të rëndësishme vulat, kurse ne i kemi shumë të rëndësishme. Kjo pjesë e Aleancës i ka të rëndësishme vulat me këtë flamur të Aleancës, me këto vula të Aleancës ne e kemi rrugëtimin tonë politik”, tha mes tjerash Lloga./tvklan.mk
