Një grua gjashtëdhjetë e një vjeçare nga Shkupi solli në jetë fëmijën e saj të parë në Klinikën Gjinekologjike dhe Obstetrike në Shkup dhe u bë nëna më e vjetër për herë të parë në vend.
Drejtoresha e Klinikës për Gjinekologji dhe Obstetrikë, mjekja Irena Aleksiovska Papestiev, tha se kjo është dëshmi se nuk ka më kufij në botën e mjekësisë.
IRENA ALEKSIOVSKA PAPESTIEV – DREJTORESHA E KLINIKËS PËR GJINEKOLOGJI DHE OBSTETRIKË
“Foshnja Petar u soll në botë nga pacientja më e vjetër në vendin tonë. Kjo paciente është e para që mbeti me qelizën vezë të saj, e cila u kriopreservua dhe mori trajtim in-vitro në vendin tonë. E gjithë shtatzënia e saj u monitorua në vendin tonë dhe lindja u përfundua në Klinikën Universitare për Gjinekologji dhe Obstetrikë.”
Drejtoresha njoftoi se foshnja peshoi 2 kilogramë e 350 gramë dhe kishte gjatësi 48 centimetra dhe se operacioni kishte shkuar pa probleme.
IRENA ALEKSIOVSKA PAPESTIEV – DREJTORESHA E KLINIKËS PËR GJINEKOLOGJI DHE OBSTETRIKË
“Pacientës, në javën e 36-të të shtatzënisë, i bëmë prerje cezariane dhe ajo lindi foshnjën Petar, i cili peshon 2 kilogramë e 350 gramë dhe 48 centimetra. Operacioni shkoi pa probleme. Gjatë gjithë të kaluarës së saj obstetrike, kjo nënë heroike kishte një sfond të pasur gjinekologjik dhe obstetrik. Pacientja ka pasur tre intervenime të mëparshme, por gjatë shtatzënisë, e cila ishte e kontrolluar, ajo kishte tension të lartë dhe diabet, por gjithçka shkoi mirë.”
Foshnja mori emrin Petar. Drejtoresha e këtij spitali njoftoi se nëna dhe foshnja janë në gjendje të mirë dhe stabile. /tvklan.mk
