Vala e të nxehtit që e ka kapur Evropën Jugore ka rritur rrezikun e zjarreve dhe vdekjeve nga të nxehtit në Itali.
Zjarret po shpërthejnë në të gjithë ishullin italian të Sicilisë, ato janë përhapur nga erërat e forta dhe thatësira.
Zjarret kanë detyruar banorët dhe turistët të evakuohen dhe kanë shkaktuar ndërprerje të mëdha të transportit publik.
Aeroporti i Palermos, i cili i shërben kryeqytetit të ishullit, u detyrua të mbyllet herët në mëngjes të martën pasi zjarret shpërthyen aty pranë.
Sipas raportimeve të mediave lokale, zjarret po shpërthejnë në të gjithë ishullin duke përfshirë Palermon, Catanian dhe Messinan.
Tre persona kanë vdekur. Trupat e djegur të një çifti të moshuar u gjetën në shtëpinë e tyre pranë Palermos, ndërsa një grua raportohet të ketë vdekur pasi një ambulancë u pengua nga zjarri që të arrinte në shtëpinë e saj.
Drejtuesi i Sicilisë, Renato Schifani, tha se zjarri e kishte bërë të martën “një nga ditët më të vështira në dekada”.
Të martën, zjarrfikësit italianë i ndalën 650 zjarre në Sicili, shkruan Euronews, transmeton Klankosova.tv.
