ME SHUME SE 1.200 TE RINJ HUMBIN JETEN CDO VIT NE EVROPE
Ndotja e ajrit është shkaktari i më shumë se 1200 vdekje të parakohshme në vit për fëmijët dhe adoleshentët në të gjithë Evropën.Ndërkohë, mijëra të tjerë preken nga probleme të shëndetit fizik dhe mendor.
Ndotja e ajrit vret më shumë se 1200 fëmijë dhe adoleshentë në vit në Evropë.
Në këtë përfundim ka dalë një raport i publikuar nga Agjencia Evropiane e Mjedisit .
Ky raport vë në dukje se pavarësisht përmirësimeve të bëra në vitet e fundit, niveli i ndotjes së ajrit në shumë vende evropiane mbetet mbi nivelet e këshilluara të Organizatës Botërore të Shëndetësisë.
Fëmijët dhe adoleshentët janë më të prekur ndaj ndotjes së ajrit , sepse trupi dhe sistemi i tyre imunitar eshte ende në zhvillim.
Mjekete thone se ekspozimi ndaj ndotjes së ajrit mund të ndikojë në funksionin dhe zhvillimin e mushkërive.
Kjo mund të çojë në sëmundje të frymëmarrjes dhe kardiovaskulare, duke përfshirë astmën, e cila prek nëntë për qind të të rinjve në Evropë.
Efektet e ndotjes fillojnë edhe para lindjes, pasi ekspozimi i nënave ndaj ndotjes së ajrit është i lidhur me peshën e ulët të foshjave dhe lindjet e parakohshme.
Në këtë studim u përfshinë 30 vende, duke përfshirë 27 vendet anëtare të Bashkimit Evropian.
GAZETARE: XHUANA LIKA
