Aktori amerikan, fitues i çmimit Oscar, Alan Arkin, ka vdekur në moshën 89-vjeçare.
Arkin vdiq të premten në shtëpinë e tij në Carlsbad, Kaliforni, raportojnë mediat amerikane.
Djemtë e aktorit, Adam, Matthew dhe Anthony konfirmuan lajmin duke thënë në një deklaratë të përbashkët:
“Babai ynë ishte një forcë unike e talentuar e natyrës, si artist dhe njeri. Një bashkëshort, baba, gjysh dhe stërgjysh i dashur, ai u adhurua dhe do të mungojë shumë.”, thanë ata.
Arkin u shfaq në më shumë se 100 filma dhe shfaqje televizive dhe u nominua për një çmim Oscar 4 herë.Ai fitoi nominimin e tij të parë për Oscar, për aktorin më të mirë, në rolin e tij debutues në vitin 1966, kur luajti një marinar sovjetik në komedinë e Luftës së Ftohtë, “The Russians Are Coming! The Russians Are Coming!”. Ai mori nominime për Emmy për serialin televiziv “The Kominsky Method” që debutoi në 2018.
Arkin ishte gjithashtu një regjisor, autor dhe interpretues skenik, duke fituar një çmim Tony në 1963 për rolin e tij kryesor në “Enter Laughing” të Carl Reiner.
