Me ndeshjet e para që u zhvilluan sot ka nisur faza e play off-it në kampionatin amerikan të basketbollit NBA, ku janë zhvilluara nga dy ndeshje në secilën Konferencë, Lindje dhe Perëndim
Në Konferencën e Lindjes, Nju Jork në sfidën e parë mundi Philadlephia me rezultat 111-104. Më efikas ishin Brunson e Hart me nga 22 pikë si dhe McBridge me 21 pikë.
Pa probleme fiton edhe Cleveland, që mundi Orlandon me rezultat 97-83 . Donovan Mitchell me 30 pikë ishte më efikas te skuadra fituese , ndërsa tek miqët Banchero realizoi 24 pikë.
Në Perëndim, kampionët e Denver mundi LA Lakers me rezultatin 114-103. Nikolla Jokiq realizoi 32 pikë e 12 kërcime, ndërsa të gjithë lojtarët tjerë realizuan mbi 10 pikë. Te Lakers më efikas ishin Davis e James.
Me fitore e nis fazën play off edhe Minnesota, që mundi Phoenix me rezultat 120-95. Anthony Edwards me 33 pikë ishte më i miri për Minnesota. Ndërsa
Durant realizoi 31 pikë për miqët.
NBA-Çerekfinalet, Kon.Lindjes
Cleveland – Orlando, 97-83 (1-0)
Nju York – Philadelphia, 111-104 (1-0)
Boston – Miami
Milwaukee – Indiana
NBA-Çerekfinalet, Kon.Perëndimit
Minnesota – Phoenix, 120-95 (1-0)
Denver – Lakers, 114-103 (1-0)
Clippers – Dallas
Oklahoma – New Orleans
