Ministria e Shëndetësisë ka reaguar ndaj ish ministrit Bekim Sali, ku thuhet se ai ka miratuar pritjen e ambulantave dhe pagesën për ta duke akuzuar të ndalojë me manipulimet, përcjellë Klan M.
”Bekim Sali është i fundit që guxon të thotë diçka për mandatin dhe punën e tij si Ministër i Shëndetësisë, aq më pak të manipulojë rastin e ambulantëve modularë. Në mandatin e tij të shkurtër, Sali nuk zgjidhi asnjë nga çështjet e hapura në lidhje me ambulantët, nuk bëri as edhe një blerje të vetme të ilaçeve në kohën e duhur, gjë që shkakton vuajtjen e pacientëve dhe nuk la pas asnjë vepër të vetme që përmirësoi kujdesin shëndetësor. Përveç kësaj, duke mos ndërmarrë veprime, janë bllokuar procese.
Në interes të së vërtetës, qytetarët duhet të dinë saktësisht se çfarë ka ndërmarrë Ministria e Shëndetësisë në lidhje me ambulantet modulare dhe kaosin e trashëguar që la pas Sali. Bekim Sali fsheh nga opinioni se me miratimin e tij, tre ambulantë u pranuan nga ministria, të cilat janë ambulantët modulare në SHSH Butel, Lisiçe dhe Gjorçe Petrov. Personalisht ai si ministër, ka miratuar dhe pranuar ambulantët modulare në datat 23.09.2022, 19.10.2022 dhe 22.2.2023, me të cilat kontraktuesi ligjërisht duhet t’i kishte paguar.
Përveç këtij njoftimi, do dërgojmë të gjitha dokumentet, si dhe miratimin dhe raportin e mbikëqyrjes. Pra, nuk ka qenë ministri Mexhiti, as Qeveria dhe askush tjetër, por Bekim Sali që ka aprovuar që ambulantët janë marrë dhe duhet të paguhen. Më pas, për 8 muaj, Sali vendosi të shkonte kundër asaj që kishte firmosur, të mos paguante dhe me vetëdije ta linte shtetin të mbante pasoja të rënda ligjore dhe financiare. Si ka mundësi që Sali vendosi të mos paguajë për diçka që e miratoi dhe e pranoi dhe që tashmë është në përdorim? Nëse ai me vetëdije donte të zhvaste diçka për veten e tij ose çfarë saktësisht donte të arrinte, ai detyrohet të përgjigjet. Borxhi që është akumuluar ndërkohë në bazë të interesit të vonuar është më shumë se 200,000 euro që do të duhet të paguhen nga qytetarët!
Për më tepër, Ministri Mexhiti, pas marrjes së detyrës, auditoi të gjitha procedurat e hapura dhe borxhet e mbajtura nga Ministria, përfshirë borxhin për ambulatorët modularë të miratuara dhe të marra nga Sali. Për këtë rast, d.m.th. nëse pagesa duhet të fillohet, Ministria bëri një konsultim me shkrim me prokurorinë e shtetit. Nga atje është marrë një mendim me shkrim se ambulantët duhet të paguhen me faturë.
Në vijim të këtij informacioni, Ministria e Shëndetësisë i dorëzoi Qeverisë informacion mbi gjetjet dhe përgjigjet e Prokurorisë, si dhe një propozim për mënyrën e tejkalimit të mosmarrëveshjes, duke mos paguar interesin e kërkuar dhe ndërprerjen e kontratës për 7 ambulantët e mbetur për të cilat nuk kishte filluar ndërtimi.
Kjo është e vërteta për procedurën dhe Bekim Salit duhet t ‘i vijë turp që manipulon opinionin dhe i vë flakën qytetarëve. Deri më tani, siç informuam dje, nuk është paguar asgjë për ambulantët derisa Qeveria të sjellë vendim për këtë.
Bekim Sali tani është i detyruar të tregojë pse ka bërë pranimin e ambulantëve? Pse nuk pagoi për tetë muaj të plotë dhe nuk kontaktoi me askënd për këtë temë? A donte të zhvaste diçka për veten e tij nga e gjithë marrëveshja.
Ministria e Shëndetësisë mbetet transparente dhe e hapur për të gjitha informacionet që lidhen me këtë rast, por manipulimet dhe pikët e vogla politike nuk do të lejojmë askënd të vajtojë për këtë tragjedi” – thuhet në kumtesën e Ministrisë së Shëndetësisë. /KlanMacedonia/
