Hristijan Mickoski i VMRO-DPMNE-së pas takimit të liderëve vlerësoi se qeveria dhe po tenton ta defokusojë opinionin nga problemet reale me të cilat po përballen qytetarët. Të dhënat e fundit për rritjen e inflacionit dhe krizën e thellë, sipas Mickoskit, shumica qeveritare po tenton t’i maskojë me amandamente kushtetuese, për siç thotë ai, “gjoja të ardhmen evropiane të vendit”, raporton Klan Maqedoni.
“Nuk ka mazhorancë për amendamentet kushtetuese dhe në bazë të këtij konkluzioni, përfundimi logjik i ngjarjeve është shpërbërja e parlamentit, formimi i qeverisë teknike dhe kalimi në zgjedhje të parakohshme parlamentare. Këtë e kërkuam edhe ne, sot në mbledhjen e sotme, pasi u kuptua se nuk kemi një shumicë që do të votonte për ndryshimet e mundshme kushtetuese të propozuara nga shumica qeveritare”, u shpreh Hristijan Mickoski nga VMRO-DPMNE.
Mickoski përmendi edhe propozimin që në takim e kishte dhënë Pavle Trajanov, që të dilet me deklaratë ku do të kërkohet nga Bullgaria, pranimi i pakicës maqedonase.
“Unë e pranova këtë”, theksoi Mickoski./KlanMacedonia
