LSDM-ja pushtetare ka akuzuar sot VMRO-në opozitare në lidhje me situatën e fundit në Ndërmarrjen Publike “Higjiena Komunale” – Shkup, ku shumë punonjësve iu ndërpre kontrata e punës, përcjell KlanM. Sipas LSDM-së, Shkupit vazhdimisht i ndodh kaos i ri me DPMNE-në, kësaj radhe me mbeturinat.
“Pushteti lokal i DPMNE-së në Shkup është më i pazoti deri më tani. Në vend të zhvillimit dhe modernizimit siç u premtoi qytetarëve Hristijan Mickoski kur kërkoi mbështetjen e tyre, kryeqytetit vazhdimisht po i ndodh kaos i ri, pa pushim. Kësaj radhe DPMNE ka krijuar kaos me mbeturinat, Shkupi po mbytet në mbeturina. DPMNE duhet urgjentisht të marrë diçka, ta tejkalojë problemin dhe të sigurojë funksionalitetin e NP Higjiena Komunale”, thuhet në reagimin e LSDM-së./KlanMacedonia
