Në një shkrim prej 4,000 fjalësh në Sunday Telegraph, ish-kryeministrja britanike Truss qëndroi pranë planeve të saj për të nxitur rritjen ekonomike, duke argumentuar se ato u rrëzuan nga “stabiliteti ekonomik i majtë”. Këto janë komentet e para publike që ish-kryeministrja ka bërë për dorëheqjen e saj.
Truss u detyrua të jepte dorëheqjen pasi paketa prej 45 miliardë funtesh e reduktimeve të taksave të pafinancuara nga ajo dhe kancelarja e saj Kwasi Kwarteng i panikoi tregjet dhe e çoi paundin në një nivel të ulët rekord.
Koha e saj e shkurtër në pushtet, 49 ditë, e bëri atë kryeministren me mandatin më të shkurtër në historinë e Mbretërisë së Bashkuar.
Truss tha besonte se në afat të mesëm, politikat e saj do të kishin rritur rritjen dhe për këtë arsye do të ulnin borxhin. Ajo argumentoi se qeveria u bë një “kokë turku” për zhvillimet që po ziheshin prej disa kohësh.
“Fatkeqësisht, qeveria u bë një kokë turku i dobishëm për problemet që kishin lindur gjatë disa muajve“, tha ajo mes të tjerash./tvklan.al
