Në ndeshjen hapëse të xhiros së shtatë të sezonit në Ligën e Parë, të futbollit vendor, FC Shkupi me golin e Luan Abazit në minutën e 69, mundi ekipin Brera 1-0. Me tri pikët e fituara FC Shkupi tani me 12 pikë pozicionohet e treta në tabel.
Në stadiumin e Çairit në Shkup në një lojë mesatare, ekipi FC Shkupi shënoi fitoren e tretë sezonale kësaj radhe në ndeshjen hapëse të xhiros së shtatë në Ligën e Parë të futbollit vendor, kundër ekipit nga Strumica AP Brera. Pas pjesës së pare përfundoi pa gola 0-0, rezultati u zhbllokua në pjesën e dytë me autor Luan Abazi I cili në lojë u inkuadrua në fillim të pjesës së dytë duke zëvendësuar futbollistin boshnjak Armin Hoxhiq. Goli i Abazit doli që të jetë vendimtar pë epilogun \ e kësaj ndeshje.
FC Shkupi me tri pikët e reja tani me 3 fitore, 3 barazime dhe 1 disfatë ka 12 pikë dhe pozicionohet e treta në tabel pas Shkëndijës dhe AP Brera që kanë nga 13-të pikë.
Pesë ndeshjet tjera të javës së shtatë zhvillohen të dielën në ora 15:00, takohen: Sileksi – Shkëndija, Bregallnica – Struga Trim Lum, Makedonija Gj.P – Gostivari, Rabotniçki – Voska Sport dhe Tikveshi – Vardari./KlanMacedonia
