Tre fitore të ekipeve vendase dhe tre të atyre mysafire me gjithësejt 18 gola të shënuar është epilogu i gjashtë ndeshjeve të javës së 30 në ligën e Parë të futbollit vendor, Lideri i ri në renditjen e tabelës tani është Shkëndija me 59 pikë aq sa kanë edhe Struga Trim Lum në vendin e dytë Shkupi në vendin e tretë, Makedonija Gj.P dhe Bregallnica me nga 26 pikë i thonëlamtumirë elitës së futbollit edhe pse ka edhe tre xhiro deri në fund të kampionatit
Shkëndija deri te tre e mëdha arriti me përmbysje spektakolare në 20 minutat e fundit të ndeshjes, pasi deri në minutën e 79, ekipi nga Strumica AP Brera ishte në epërsi 0-2 me golat që i shënuan Ivkoviq në minutën 15-të dhe Cvetanovski në at të 69-të dhe kur të gjithë pritnin fitore të sigurt të vendasve në skenë doli Fiton Ademi që realizoi golin e parë, pastaj në super gol i Klisman Cake në minutën 88, dhe në minutën e katër shtesë boshnjaku Almir Aganspahiq shënoi për fitoren spektakolare të kuqezinjve të cilët falë disfatave të Struga Trim Lum dhe Shkupi, tani bëhet lider në renditjen e tabelës. Pas përfundimit të ndeshjes mpati në festë e përbashkët e tifozëve me futbollistë dhe stafin teknik.
Ndeshjen Shkëndija – AP Brera mjaftëmirë e drejtoi njëra nga arbitret më të mira femra në Europë Iva Projkovska.
Ndeshje interesante dhe me kthesa të shumta ndodhi edhe në Kavadar, mes Tikveshit dhe Struga Trim Lum . Vendasit ishin në epërsi në pjesën e parë me golin e Mojsovit, ndërsa golashënuesi më mirë vendit nga mvetsimi i Maqedonisë së Veriut Besart Ibraimi me dy gola në minutën e 63 dhe 77 çoi në epërsi kampionët aktual, por në minutën e 88 Stojkovski dhe në minutën e katërt shtesë Silva shënuan për fitoren e skuadrës vendase. Kujtojmë me me dy golat e sotëm Besart Ibraimi në total ka 201 gol që paraqet një rekord që nuk do të thyhet shumë gjatë.
Në Gostivar, skuadra vendase mundi Shkupin me rezultatin 2-0 me golat që i shënuan Kirovski dhje Kehinde. Skuadra e Ohrit, Voska Sport me fitoren e sotme kundër Makedonija Gj.P në transfertë përfundimisht mund të rehatohet sa i përket mbijetues. Autor të golave për Voska Sport ishin Iliecvski dhe Marushiq. Me fitoren kundër Bregallnicës në Shtip, Vardari ndihet më qetë pasi tanimë ka siguruar balotazhin për mbijetesë në elitën e futbollit, ndërsa Rabotniçki me fitoren kundër Sileksit në Kratovë, me 38 pikë është pozitën e shtatë.
Rezultatet: Bregallnica – Vardari 0-3, Gostivari – Shkupi 2-0, Makedonija Gj.P – Voska Sport 0-2, Shkëndija -AP Brera 3-2, Sileksi – Rabotniçki 0-1, Tikveshi – Struga Trim Lum 3-2
Tabela: 1.Shkëndija 58, 2.Struga Trim Lum 58, 3.Shkupi 58, 4. Tikveshi 42, 5. Sileksi 41, 6. Gostivari 40, 7. Rabotniçki 38. 8. AP Brera 37, 9. Voska Sport 37, 10.Vardari 32 , 11. Makedonija Gj.P 26, 12. Bregallnica 26 pikë
Java e 31-të, 5 maj në ora 17:00. Takohen: Shkupi – Shkëndija, Struga Trim Lum – Gostivari, Voska Sport – Sileksi, Rabotniçki – Tikveshi , Vardari – Makedonija Gj.P dhe AP Brera – Bregallnica
