Seleksionuesi Blagoja Milevski dëshiron që me fitore të përmbyllet faza e grupeve në Ligën e Kombeve. Përfaqësuesja e RMV-së nesër pret Ishujt Faroe në kuadër të Grupit 4 të C të Ligës së Kombeve.
BLAGOJA MILEVSKI – SELEKSIONUES I RMV-së
“Bëhet fjalë për një ekip të disiplinuar, të përgjegjshme, të fuqishme dhe mirë të përgatitur. Duam që me fitore t`i përmbyllim ndeshjet nëpër grupe. Edhe pse kemi siguruar vendin e parë, duam të fitojmë sa më shumë pikë dhe të jemi më mirë të ranguar në prag të balotazhit për plasman në Kampionatin Boëtror 2026”
Kapiteni Enis Bardhi, pret mbështetje më të madhe nga tifozët se sa në ndeshjen e fundit kundër Letonisë. Ai premton angazhim maksimal për të shënuar edhe një fitore.
ENIS BARDHI – KAPITEN I PËRFAQËSUESES SË RMV-së
“Nuk na mungon motivimi që të japim gjithcka që nga minuta e parë. Duam të vazhdojë seria e fitoreve dhe ciklin ta përfundojmë me fitore në terrenin vendas. Duhet të jemi të mencur, të durueshëm. Nuk duhet të nëncmohet asnjë ekip. Pas gjithë këtyre fitoreve psiqikisht jemi më të stabilizuar dhe tani na intereson vetëm fitorja”
Një ndër futbollistët më me përvojë në ekipin e RMV-së, Aleksandar Trajkovski, gjithahstu pret që ky cikël kualifikimesh të përmbyllet në mënyrën më të mirë.
ALEKSANDAR TRAJKOVSKI – FUTBOLLIST I RMV-së
“Fokusi ynë është që gjithmonë të japim maksimumin edhe në këto situata. Ekziston lodhja pasi luajmë në cdo tri ditë dhe kjo nuk do të jetë hera e parë. Lodhjen do ta lëmë pas vete që ndeshja të përfundojë me tri pikë për ne”
Përfaqësuesja e Maqedonisë së Veriut, me fitore evntuale kundër Ishujve Faroe në Shkup, do të bëjë një hap të madh drejt plasmanit në balotazhin për KB 2026.
Në stërvitjen e sotme mungoi Elif Elmas I cili për shkak të lëndimit nuk do të jetë në formacion për ndeshjen kundër Ishujve Faroe.
Ndeshja RMV – Ishujt Faroe zhvillohet të dielën me fillim në ora 15.00 kurse arbitri kryesor I ndeshjes do të jetë gjermani Daniel Shlager. /tvklan.mk
