Gjashtë fitore të ekipeve vendase, 1 barazim dhe një fitore e ekipit mysafirë me gjithsejtë 16 gola të shënuar është epilogu i ndeshjeve të javës së 18-të në Ligën e dytë të futbollit vendor ku ekipi Besa e Dobërdollit një hapë më afër realizimit të ëndrrës për kualifikim në elitën e futbollit.
Në stadiumin e Vrapçishtit klubi i futbollit Besa, sot me një lojë mesatare me golat e Alban Taipit dhe Izair Eminit mundën ekipin e Novacit 2-0. Për ekipin nga Dobërdollit ishte e 15-ta sezonale që garanton një rrugëtim të sigurt drejt elitës. “Luajtëm aq sa kishim nevojë për fitore dhe tre pikët që kanë rëndësinë e vetë. Vazhdojmë sipas planit edhe të martën kundër Osogovës dhe javën e ardhshme kundër Detonit Plaçkovicës. Vazhdojmë ëndrrën tone” tha pas ndeshjes futbollisti më me përvojë, Izair Emini.
Fitore të madhe sot ka shënuar Arsimi i Çegranit kundër Detonit Plaçkovica me përmbysje 2-1. Autor të golave për Arsimin ishin Gafuri dhe Cuculi nga pika e bardhë . Me tre pikët e sotme skuadra e Ç’granit vazhdon të mbanë pozitë e katërt tani me 32 pikë dhe i afrohet vendit të tretë në vetë gjashtë pikë.
Bashkimi në Kumanovë mundi ekipin e Osogovës me rezultat të ngushtë 2-1 por tre pikët e fituara kanë vlerën e madhe pasi tani me 27 pikë janë në pozitën e shtatë. Ndryshe ishte kjo ndeshja e tretë radhazi në sezonin pranverore në Ligën e dytë.
Peliisteri I manastirit me fitoren 2-0 ndaj Kamenica Sasa mbajnë pozitën e dytë që garanton kualifikim në elite .
Fitoren e vetme në cilësinë e mysafirit e shënoi Bellasica kundër Teteksit në Tetovë m,e përmbysje 2-1. Ohri në “Biljanini Izvori” triumfoi 1-0 ndaj Pobedës nga Prilepi, ndërsa Vardari Negotinës e mposhti Karaormanin me rezultat 2-0,
Rezultatet – Java e 18
Arsimi – Detonit Plaçkovica 2-1
Bashkimi – Osogovo 2-1
Besa – Novaci 2-0
Skopje – Kozhufi 0-0
Ohëri – Pobeda 1-0
Pelisteri – Kamenica Sasa 2-0
Teteksi – Bellasica 1-2
Vardari – Karaorman 2-0
Tabela: 1. Besa 47 pikë, 2.Pelisteri 42, 3.Detonit Pllaçkovica 38, 4.Arsimi 32, 5.Vardari 27, 6. Bashkimi 27, 7. Ohri 26, 8.Skopje 25, 9. Kozhufi 24, 10. Bellasica 24, 11.Novaci 22, 12.Teteksi 19, 13.Pobeda 16, 14.Osogova 15, 15.Karaormani 14, 16. Kamenica Sasa 8 pikë.
Në xhirion e 19-të, më 5 mars (e martë), në ora 14:00, takohen: Bellasica – Bashkimi, Detonit Plačkovica – Pelisteri, Kamenica Sasa – Besa , Karaormani – Skopje, Kozhufi – Arsimi, Novaci – Teteksi, Osogova – Pobeda dhe Vardari – Ohri
/tvklan.mk
