Lënda në lidhje me pronat e konfiskuar të ish kreut të DSK-së, Sasho Mijallkov, sipas drejtorit të Agjencisë për Menaxhim me Pronën e Konfiskuar, Driton Nebiu, me vite të tëra ka qëndruar në sirtaret e agjencisë. Nebiu thotë se tre apo katër vite, edeh përkundër faktit se ka pasur vlerësim nga Byroja për Ekspertizë Ligjore, çështja e pronave të Mijallkovit nuk është prekur nga ish drejtuesit e agjencisë.
Sipas Nebiut, pronat e Mijallkovit, kanë qenë detyrat e para që ai i ka ndërmarrë si drejtor i Agjencisë, me çka një pjesë e atyre pronave janë shitur dhe paratë janë kthyer në buxhetin e shtetit.
