Kryeministri i Republikës së Kosovës, Albin Kurti në një intervistë për Der Spiegel ka folur për situatën në veri të vendit.
Kryeministri Kurti ka thënë se situata atje është e tensionuar për shkak të “panikës së Beogradit”.
Më tutje, për Der Spiegel, Kurti ka thënë se BE-ja dhe ShBA-të i bëjnë presion Serbisë që të zgjedh mes “Perëndimit dhe Rusisë”.
“BE dhe ShBA po i bëjnë presion të madh Serbisë të zgjedh mes Perëndimit demokratik dhe Rusisë. Duket se Vuçiqi dëshiron ta kthejë Serbinë në të kaluarën. Por, ky tren është larguar. Gjykata Ndërkombëtare e Drejtësisë ka vendosur në favor të deklaratës sonë të pavarësisë. Nuk ka gjykatë më të lartë në këtë planet”, është shprehur Kurti.
