Me fëmijën e tij në krahë, miliarderi amerikan Elon Musk u takua me presidentin turk Rexhep Tajip Erdoan në të ashtuquajturën “Shtëpia Turke” në një qiellgërvishtës në Nju Jork.
Kreu i shtetit turk i ofroi djalit të vogël të manjatit të teknologjisë një top dhe pas pak para kamerave e pyet manjatin e teknologjisë se ku ndodhet partnerja e tij.
Duke qeshur me siklet, 52-vjeçari i cili ka 10 fëmijë me 3 partnerë të ndryshme i është përgjigjur Erdoganit se nëna e fëmijës ndodhet në San Francisko. Ai vijoi duke shpjeguar se është ndarë nga partnerja dhe se kujdeset ai për të voglin.
Gjatë takimit të tyre në ndërtesën ku ndodhet konsullata turke në Nju Jork, Erdogan i kërkoi shefit të Tesla-s të ndërtojë fabrikën e shtatë të prodhuesit të tij të makinave në Turqi.
Presidenti turk informoi gjithashtu themeluesin e Tesla dhe SpaceX për arritjet teknologjike të Turqisë.
Klan News
