Kryetari i Qeverisë së Republikës së Maqedonisë së Veriut, Dimitar Kovaçevski, ka dërguar një mesazh urimi me rastin e shënimit të Ditës Ndërkombëtare të Gruas, 8 Marsin.
“Sot shënojmë 8 Marsin, Ditën Ndërkombëtare të Gruas, e para nga 365 ditët e luftës për barazi ekonomike, politike dhe sociale të grave. Gratë meritojnë mirënjohje për guximin, këmbënguljen, dinjitetin dhe luftën e tyre në të gjitha frontet. Dhe jo vetëm në këtë ditë, por çdo ditë”, theksoi Kryeministri Kovaçevski në mesazh.
Duke theksuar rëndësinë e rolit të gruas, ai theksoi:
“I mbështes plotësisht dhe pa rezerva në përpjekjet e tyre për të njohur rolin e tyre të përjetshëm në shoqëri, ku krah për krah me burrat arrijnë suksese të mëdha në sfera të ndryshme dhe me aftësitë dhe cilësitë e tyre fshijnë kufijtë dhe pengesat për brezat e ardhshëm. Gratë e vendosura dhe të forta janë shtytëse të shoqërisë! Gëzuar 8 Marsin!”, ka thënë Kryeministri Kovaçevski në mesazhin e urimit me rastin e Ditës Ndërkombëtare të Gruas, 8 Marsit.
