Kryetari i Qeverisë, Dimitar Kovaçevski, pas fillimit zyrtar të negociatave për anëtarësim të plotë të Republikës së Maqedonisë së Veriut në BE, mbajti konferencë për shtyp në Këshillin e Bashkimit Evropian në Bruksel.
Në vazhdim fjalimi i tërësishëm i Kryeministrit Kovaçevski:
“Sot pata nderin e madh të flas në gjuhën time amtare maqedonase para 27 vendeve anëtare të Bashkimit Evropian në Konferencën Ndërqeveritare me të cilën po hapim negociatat për anëtarësimin e Maqedonisë së Veriut në Bashkimin Evropian.
Fillimisht dëshiroj t’i përgëzoj qytetarët e Republikës së Maqedonisë së Veriut. Ata janë më meritorët për ditën e sotme. Ata nuk iu dorëzuan asnjë sfide, para maleve me lëshime dhe kompromise të vështira, për të përmbushur ëndrrën e tyre për t’u qenë anëtare familjes evropiane.
Më në fund, 17 vjet më vonë dhe shumë kompromise të vështira, hapet procesi për pranimin e Maqedonisë së Veriut në familjen e madhe evropiane, Bashkimin Evropian.
Hapi i parë drejt së ardhmes sonë evropiane është bërë dhe ëndrra jonë tre dekadash është e arritshme. Sot është dita kur fillojmë të shkruajmë një kapitull të ri në historinë e Maqedonisë. Kapitulli i zhvillimit të përshpejtuar, prosperitetit dhe stabilitetit.
Dita e sotme është historike për ne. E shumëpritur dhe e merituar.
I përgëzoj, por edhe i falënderoj qytetarët për këmbënguljen e tyre dhe për vizionin e qartë se çfarë lloj vendi duam të ndërtojmë dhe t’ua lëmë brezave të ardhshëm.
Kjo ditë u kushtohet atyre, të gjithë qytetarëve tanë, por edhe të gjithë liderëve të shtetit, përfaqësuesve politikë, sektorit civil, punonjësve akademikë dhe shkencorë, biznesmenëve, gazetarëve dhe punonjësve të medias dhe mijëra administratorëve që patën guximin të ëndërronin, të kenë një vizion dhe të punojnë shumë për ta përmbushur atë.
Për të realizuar këtë objektiv strategjik kemi bërë shumë. Ne morëm vendime të vështira që kërkonin udhëheqje dhe guxim, mençuri dhe përgjegjësi. Vendime patriotike në interes të së ardhmes së fëmijëve tanë dhe të vendit. Këto vendime shtetërore janë një tregues i vërtetë se si shteti duhet. Nuk ka patriotizëm më të madh se një vizion dhe plan i qartë për të ardhmen, duke avokuar për prosperitetin e shtetit dhe të gjithë qytetarëve.
Miratuam edhe vendimin përfundimtar me të cilin siguruam ruajtjen dhe konsolidimin e identitetit maqedonas, gjuhës, kulturës dhe veçantisë maqedonase. Bashkimi Evropian na pranon si maqedonas që e flasim gjuhën maqedonase me respekt të pakushtëzuar për dinjitetin dhe veçantinë e popullit maqedonas dhe veçoritë e tij identitare, historike dhe kulturore. Kjo është e garantuar përgjithmonë. Pwr këto gjëra as nuk negociohen dhe as nuk do të negociohen.
Jam i bindur se qytetarët do të dalin fitues nga ky proces, se të gjithë së bashku do të dalim më të fortë, më të qëndrueshëm dhe do të ecim shpejt përpara drejt një të ardhmeje të përbashkët, më premtuese. Gjithashtu jam i bindur se ndihma e vazhdueshme dhe e shtuar që do të ofrojë Bashkimi Evropian në periudhën e ardhshme do t’u mundësojë qytetarëve dhe ekonomisë maqedonase të marrin mbështetje konkrete dhe reale, në mënyrë që të jetojmë realitetin evropian sot dhe në mënyrën e duhur.
Me besim te vetja, në paraardhësit tanë, tradita dhe veçantia dhe me një pamje të qartë të së ardhmes, ne e çojmë vendin përpara. Për brezat e sotëm dhe të ardhshëm, ne po ndërtojmë një shoqëri demokratike evropiane, në të cilën do të ketë vend për të gjithë, ku sundimi i ligjit ka primatin, dhe qytetarët do të jenë ekonomikisht të avancuar.
Vlerat dhe parimet evropiane të lirisë, demokracisë, barazisë dhe shtetit të së drejtës janë aspirata jonë. Ne jemi të lidhur natyrshëm me BE-në dhe tani e tutje do të zhvillojmë së bashku dhe do të zhvillojmë edhe rajonin.
Vendi ynë është Europa në miniaturë. Demokracia jonë funksionale multikulturore, multietnike dhe multikonfesionale jo vetëm që do ta pasurojë Bashkimin Evropian, por do të jetë edhe shembull i suksesshëm i një shteti unitar multietnik të integruar në familjen evropiane. Ne jetojmë çdo ditë me moton e Bashkimit Evropian, jemi qartazi të bashkuar në diversitet dhe jemi thellësisht krenarë me tw njëjtit.
Maqedonia e Veriut është vend i miqësisë dhe bashkëjetesës. Këto janë tiparet tona autentike me të cilat bota na njeh sot. Ne ndërtojmë miqësi. Ne jemi të përkushtuar për të gjetur zgjidhje të pranueshme reciprokisht. Kjo është arsyeja pse ne jemi ende sot këtu dhe me krenari qëndrojmë krah për krah me partnerët tanë në BE. Ne ndajmë të njëjtat vlera dhe tani e tutje do të ndajmë edhe një të ardhme evropiane.
Një e ardhme evropiane me respekt të pakushtëzuar për dinjitetin dhe veçantinë e popullit maqedonas dhe të gjitha veçoritë e tij. Një e ardhme evropiane në të cilën, me anëtarësimin e plotë, gjuha maqedonase do të jetë një nga gjuhët zyrtare të BE-së pa asnjë shpjegim, shtesa apo fusnota. Një e ardhme në të cilën të gjitha veçoritë, specifikat, traditat, kultura, zakonet tona do të jenë autentikisht tonat, maqedonase, por të ndara me të gjithë miqtë tanë në Bashkimin Evropian. Kjo është ajo që do të na bëjë ne dhe Bashkimin Evropian më të pasur. Të nderuar qytetarë,
Nga sot e tutje, ne shkojmë vetëm përpara dhe lart. Maqedonia e Veriut do të zhvillohet ekonomikisht, politikisht dhe socialisht dhe qytetarët do të kenë cilësi më të lartë të jetës, me standarde të larta për respektimin e ligjeve.
Është koha për bashkim, për optimizëm, për besim në një të nesërme më të mirë, por mbi të gjitha për një punë të përkushtuar për zhvillimin e një shteti të fortë, të suksesshëm dhe të begatë evropian, si dhe për integrim efikas dhe të shpejtë në Union. Është koha që dielli i ri i lirisë të lindë dhe të na ndriçojë rrugën që me guxim, me përkushtim dhe pa frikë të shikojmë nga e ardhmja dhe të realizojmë shpejt e me vendosmëri ëndrrën tonë, ëndrrën e Ilindenëve, të luftëtarëve të LÇP-së. Është koha për fitore të reja, të përbashkëta.
Ne vendosëm të përballemi me të gjitha frikat tona dhe të marrim vendime të guximshme për të ardhmen, të mos mbetemi peng i së kaluarës.
Unë besoj se një njeri përcakton se çfarë bën në kohë të vështira. A do të marrë një vendim apo do të strehohet në status kuo dhe në frikën e tij. Unë dhe kolegët vendosëm të jemi të vendosur, të guximshëm, të veprojmë me mençuri, të mos mendojmë për ne, por për brezat e ardhshëm, për paqen, sigurinë, të ardhmen.
E përfundoj me fjalët e të madhit Zhan Mone, nuk ka të ardhme për qytetarët e Evropës përveç në Union (“There is no future for the people of Europe other than in union.”)
Urime fillimi i bisedimeve për aderim, të presim së shpejti anëtarësimin e plotë në Bashkimin Evropian dhe edhe një herë urime të gjithë qytetarëve të Republikës së Maqedonisë së Veriut”, tha Kryeministri Kovaçevski.
