“Energjia për ngrohje në qytetin e Shkupit ishte sfida ime në ditën e parë të 17 janarit të këtij viti si Kryeministër, pse? Sepse Qeveria juaj dhe Kryeministri juaj me kohë lejuan që sistemi i ngrohjes në Shkup, gjegjësisht kompanitë t’i shiten një kompanie nga Qipro me investim themelues prej 5000 euro të kompanisë nga Qiproja, e cila duhet të furnizojë me gaz, ndërsa ajo kompani në Qipro nuk ka licencë për furnizim me gaz dhe për këtë arsye Qeveria është dashur të marrë përsipër menaxhimin e sistemit të ngrohjes në qytetin e Shkupit. Kjo është kompetencë e qytetit të Shkupit, por qyteti i Shkupit po fundoset në heshtje dhe tani publikisht ka thënë se nuk ka rrugë, gjegjësisht nuk ka njohuri dhe as nuk do të ketë për të menaxhuar.
Kompania me të cilën ai menaxhon është një kompani private e regjistruar në Qipro me një investim prej 5,000 euro dhe për këtë do të duhet të pyesni se cila kompani, kush e zgjodhi, si e zgjodhi, në partinë tuaj. Sepse në atë kohë kompania ishte dhënë. Nëse ata janë oligarkë rusë, nëse nuk janë oligarkë rusë, nëse e kanë lënë peng tërë sistemin në bankat në Luksemburg… do të duhet të pyesni atje.
Mirëpo, ajo që ka bërë kjo Qeveri është që fillimisht t’i kthejë licencat dhe më pas do të bëhet thirrje që ato licenca t’i marrë administrata shtetërore dhe të sigurohet energji për ngrohje për qytetin e Shkupit, sikur në janar ashtu edhe gjatë gjithë dimrit. Nuk bëhet fjalë vetëm për energji për ngrohje, por edhe për furnizim me energji elektrike. Sepse nëse ndërpritet energjia për ngrohje në qytetin e Shkupit, atëherë do të ketë rënie të rrjetit energjetik, duke qenë se Karposhi, Aerodromi dhe Qendra janë të projektuar për ngrohje me energji për ngrohje”, tha Kryeministri Kovaçevski në seancën për pyetje të deputetëve.
