Një investitor grek ka shprehur interes për ndërtimin e një impianti të gazit në Maqedoninë e Veriut, tha kryeministri Dimitar Kovaçevski, i cili sot ndodhet për një vizitë pune në Greqi në lidhje me krizën globale energjetike.
“Është shpallur një investim nga një investitor grek, një termocentral i madh me gaz, me kapacitet deri në 200 megavat.
Analizat tashmë kanë filluar dhe sapo të përfundojnë, ky investim do të mund të paraqitet në Qeveri dhe Parlament”, tha Kovaçevski.
