Një person dyshohet se e ka therur veten me thikë, sot rreth orës 14 e 30, në sheshin “Skënderbeu” në Prishtinë.
Rastin e ka konfirmuar zëdhënësi i policisë, Daut Hoxhaj.“Më datë 11.07.2022. në ora 14:35, Policia e Kosovës ka pranuar informatën lidhur me prezencën e një personi me thikë në dorë te sheshi “Skënderbeu” në Prishtinë.
Sipas informacioneve fillestare, dyshohet se personi i dyshuar ka lënduar vetveten me një mjet të mprehtë, thikë. Është njoftuar ndihma e shpejtë, e cila po ashtu ka arritur në vendin e ngjarjes”, ka thënë Hoxhaj.
Policia ka reaguar me shpejtësi në vendin e ngjarjes, ndërsa viktima është dërguar në QKUK për trajtim mjekësor.
